મોવેમ્બર
01/11/2012 4 ટિપ્પણીઓ
આશા રાખું છું કે મારા બ્લોગની મુલાકાત લેનારો જે નાનકડો સમુદાય છે તેમાંના મોટાભાગના વાચકો મોવેમ્બરથી પરિચિત હશે. જે પરિચિત ના હોય તેમની જાણ સારૂં જણાવું કે, મોવેમ્બર એ આખા નવેમ્બર મહિના દરમ્યાન ચાલતી એક ઇવેન્ટ છે જેમાં ભાગલેનારાઓ આખો મહિનો મૂછો વધારે છે. મોવેમ્બર નામ પણ અંગ્રેજીમાં મૂછો (મુસ્ટૅચ) માટે મજાક જેવી ભાષામાં વપરાતા શબ્દ “મો” અને નવેમ્બર મહિનાના નામને ભેળવીને બનાવવામાં આવ્યો છે. લોકો આખા નવેમ્બર મહિના દરમ્યાન મૂછો ઉગાડવાનું અને વધારવાનું પ્રણ લે છે અને તે દ્વારા પુરુષોમાં થતા પ્રોસ્ટૅટ કેન્સર અને અન્ય પુરુષ સંબંધી રોગો પ્રત્યે લોકોમાં સભાનતા જગાવવાનું કામ કરે છે. સાથે સાથે આવા પુરુષ સંબંધી રોગોમાં સહાય માટે અને લોકજાગૃતિના કામો માટે દાન/ફાળો પણ ઉઘરાવવાનું કામ કરે છે. આ ચેલેન્જમાં જોડાનારાઓને “મો બ્રો” એટલે કે “મૂછ ભાઈ” કહેવામાં આવે છે.
મોવેમ્બરની શરૂઆત ૨૦૦૪માં ઓસ્ટ્રેલિયા અને ન્યૂઝીલેન્ડમાં થઈ હતી જે ૨૦૦૭માં અમારા યુકેમાં અમેરિકા સહિત દુનિયાના બીજા દેશોમાં પણ વિસ્તારીત કરવામાં આવી. અહિં રહીને ત્રણેક વર્ષથી આ મોવેમ્બર વિષે સાંભળતો અને વાંચતો આવ્યો હતો. ગયા વર્ષે મારી પણ આ સખાવતના કાર્યમાં જોડાવાની ઈચ્છા હતી પણ યાદ ના રહ્યું અને મોડો પડ્યો તેમાં રહી ગયો. આ વખતે ઓફિસના બીજા ૩-૪ મિત્રોની સાથે ટીમ બનાવીને આખો મહિનો મૂછો વધારવાનું બીડું ઝડપ્યું છે. અમે બધા “મો બ્રો” ભેગા થઈને લોકોને પ્રોસ્ટેટ કેન્સર, હતાશા, વૃષણના કેન્સર, વગેરે જેવા રોગો સામે જાગૃત કરીને તે રોગોની સારવાર અને સંશોધન માટે દાન/ફાળો ઉઘરાવીશું. જોઈએ ઓફિસના અને ઓફિસ બહારના સહૃદયી મિત્રો મારા આ પગલાને કેટલું બિરદાવે છે અને કેટલું દાન આપે છે.
મોવેમ્બરમાં મારું અને મારી ટુકડીનું પૃષ્ઠ જ્યાં કોઈપણ ફાળો નોંધાવી શકે છે.
મોવેમ્બર ચેરિટિનું અધિકૃત જાળસ્થળ
મોવેમ્બર ગુજરાતી વિકિપીડિયા પર
મોવેમ્બર વિષે જાણ ન હતી , અહો આશ્ચર્યમ ! & Best of Luck for your Funding & mustache 🙂
LikeLike
All the best.
LikeLike
lage raho gujjubhai /dhavalbhai aapni karya paddhati ghani j vishal chhe. all the best.
LikeLike
પિંગબેક: મોવેમ્બર | મારા વિચારો, મારી ભાષામાં!